Alimlər vegetarianlığın insan təzyiqinin səviyyəsinə təsirini sübut ediblər. Bu barədə fevralın 24-də The Los Angeles Times məlumat yayıb.
Tədqiqatçıların fikrincə, ətdən qaçınmaq qan təzyiqinizi daha yaxşı idarə etməyə və hipertoniyanın qarşısını almağa imkan verir. Ümumilikdə alimlər 21 mindən çox insanın məlumatlarını təhlil ediblər. Onlardan 311 nəfəri xüsusi kliniki sınaqlardan keçib.
Hansı bitki qidalarının qan təzyiqi səviyyəsinə daha çox təsir etdiyini elm adamları dəqiqləşdirməyiblər. Ümumilikdə, dərc edilmiş araşdırmaya görə, vegetarianizm bədən çəkisini nəzarət altında saxlamağa kömək edir, bununla da qan təzyiqinə müsbət təsir göstərir.
Alimlərin fikrincə, vegetarianlıq ümumiyyətlə hipertoniyanın müalicəsində istifadə olunan bir çox dərmanı əvəz edə bilər. Yüksək qan təzyiqi dünyada ən çox yayılmış sağlamlıq problemlərindən biridir. Məsələn, ABŞ-da təxminən hər üç nəfərdən biri hipertoniyadan əziyyət çəkir.